Les mots surlignés font l'objet d'une note
1Reçue à Grenoble, le 01 mars 1573. Répondue.
2Monseigneur, je receuz hier ung pacquet de la court par lequel lon
3me faict entendre que le roy et les roynes avecq’ leur court
4deslogèrent de Paris le XVII de ce moys pour aller à St Germain
5en Laie, ayant laissé audit Paris ung petit conseil, composé
6de messieur levesque de Paris, premiers presidens de la cour
7et chambre des comptes dudit Paris, et quelques aultres presidents
8avecq’ eulx pour secretaire ; lequel conseil sassemblera dordinaire
10deulx fois la sepmaine au pallais en la chambre St Louys
11pour pourvoyr aulx affères du cousté dudit Paris. Ce peult
12que sa majesté (après avoir faict une course à son Charleval)
13fera le voiage de Angers ou Poictiers approchant de son camp,
14esperant que cella aidera à plustost faire convertir ses subietz
15rebelles, desquelz il desire et se resould avoir la
16convertion soit par doulceur ou par rigueur et force.
17Ceulx de dedans La Rochelle font souvent des sorties
18et tousiours en ces occasions il y en a quelcung de mal
19traicté. Dieu mette bien tost une fin à ceste malheureuse
20guerre au contentement de leurs majestez et veuille preserver le
21roy et Messeigneurs, aussi messieurs votre filz et frère qui y
22sont, vous donnant,
23monseigneur, très longue et très heurese vye. Du Fay, mèson votre,
24où madame de Gordes est a bonne devotion attendue pour luy faire service,
25ce dernier febvrier 1573
26Votre très humble et très obeissant serviteur
27Hector de Maniquet